تبریزلی برقی یا خویلو برقی ؟

رضا همراز

آذربایجان ادبیات تاریخینین صحیفه لری نه قدر گئنیش و زنگین اولورسا ، بیر اوقدر ده سن دئنه هله آدی ایتیب باتمیش شاعیریمیز وار کی تاسف له آدلاری ایله اثرلری ادبیات تاریخیمیزه داخیل ائدیلمه میشلر . سئوینج له دئمه لی ییک کی بونلارین بیرسیراسینین اثرلری بو گون عمومی یا خود شخصی آرشیولرده قورونسالاردا ، مع الاسف بیرسیرالارینین شعرلری ایله باشقا اثرلری آرادان گئدیب یا همان ایتیب باتمیش یادا بیر سیرا موقع لر ایتیریلیب – باتیریلمیشلار !

تبریزلی کشوری دیلمقانی ، شیروانلی نسیمی ، حکیم فضولی ، قوشچو اوغلو ، ماراغالی عبدالقادر ،  تبریزلی غریبی ، حسن اوغلو ، تبریزلی صائب و اونلار بو سیرادا اونجول باشقا شاعیرلریمیزین شعرلرینه باخاندا گوروروک کی بونلارین شعرلری او قدر یئتیشمیش و بیشمیشلر کی بونلارین گلیشمه سینه یوز ایللر گرک . اما تاسف له دئدییمیز کیمی یئتدی یوز ایل بوندان اول آذربایجانیمیزدا کیلاسیک اثرلری الده ائتمک بو گون داها دوغروسو بیر معجزه یه اوخشار !