حوکم آوارلی مناف فلکی

        بیر شاعیر آختاریرام                                               

                                حوکم آوارلی مناف فلکی

رضا همراز

مناف فلکی حوکم آوارین هوشلو – باشلی و ذکالی اوشاق لاریندان ایدی کی سیاسی اویونلارا باش قوشدوغونا گوره ، گنج ایکن دونیاسین دگیشیب ، گول سایاغی آچمادان ، غونچه زامانی پرپر اولموشدور ! تاسف له سیاسی جو و اویونلارین حاکیم اولدوغونا رغماً بو آذربایجان بالاسی حاقدا ، آغیز یاندیران معلومات الده اولمادان ، آتدا – بوتدا شعرلرینه راستلاشماق اولور . عبدالخالق اوغلو مناف آذربایجانین میللی حوکومتی ایش باشینا گلن ایل ، یعنی 1324 ینجی گونش ایلینده حوکم آوارین آغ تومان اوغلو حاج علی دربندینده آنادان اولموشدور . یازیق لار اولسون کی  ائله اوشاق ایکن طالع اونا یار اولماییب ، هله 6 یاشا قدم قویمامیش دیر کی آتاسین الدن وئریر . اونون مهربان آناسی بو دونه مناف و باشقا باجی – قارداش لارینا هم آتا اولور ، هم آنا . بو چالیشقان آنانین چابالاری اساسدا ، اوشاقلار یئتیم لیک حیسی ائتمه یرلر . آنجاق او دورون آتموسفرینه گوره مناف دا ائله کیچیک یاشلاریندا ایشه کیریشمه یی لمس ائدیر . مناف فلکی آذربایجانین بیر چوخ اوشاقلاری کیمی گوندوز لر فرش کرخانالاریندا ایش له ییب ، گئجه لر تحصیلینه دوام ائدیر . کیم نه بیلیر بلکه ده فرش کرخانالاریندا اونون ائشیدیب ، قولاغینا یغدیغی ماهنی لار اونو شاعیر ائده بیلر ؟  مثلاً بو ماهنی :

ادامه نوشته

مشروطه نهضتینین منظوم تاریخی اثرینه گیریش

مشروطه نهضتینین منظوم تاریخی اثرینه گیریش :

مشروطه نهضتینین تاریخینین یازیلماسیندا بیز آذربایجانلی لار اونجول اولموشوق. بو یازیلان تاریخ لرین تایلاری صراحت له دئیه بیله ریک ،هله ده یازیلا بیلمه میشدیر. بو گونه کیمی بوشقابا قویولان بو تاریخ لری بئله گوسترمک اولار :

1-     تاریخ مشروطه – احمد کسروی

2-     تاریخ هجده ساله آذربایجان – احمد کسروی

3-     قیام آذربایجان و ستارخان – حاج اسمعیل امیرخیزی

4-     قیام آذربایجان در انقلاب مشروطیت – کریم طاهر زاده بهزاد

5-     بلوای تبریز – حاج محمد باقر ویجویه

بو تاریخ لری آنا کیتابلاردان حسابلاساق ، داها سونرالار یوزلر کیتاب ، مقاله ، پایان نامه و نه بیلیم نه لر یازیلمیشدیر . البته بونو اونوتمایاق کی ، مشروطه تاریخینه هله ده کی هله دیر سون نقطه قویولمامیشدیر و گوروروک کی هر گون یا هر آی بیر نئچه کیتاب ایشیق اوزو گوره بیلیر. بو تای سیز نهضته عاید بو گونه کیمی بیر نئچه منظوم تاریخ ده یازیلمیشدیر کی بو قلمین صاحبینین گوزونه دین لرین بئله سیرالایا بیلر :

ادامه نوشته