ایتگین شاعیرلریمیزدن اولان ماراغالی مشهدی جلیل دلشکسته

ایتگین شاعیرلریمیزدن اولان ماراغالی مشهدی جلیل دلشکسته

رضا همراز

سردریلی دوست لاریم دان اولان ، خوش نیت لی و معارف پرور انسان ، حورمتلی محمد حسین قابل نژاد جنابلارینین اوزل آرشیولرینده بیر ال یازمایا راست لاشدیم . اوندان اذن ایسته ییب همین کتابی واراقلاماغا باشلادیم . بو آلچاق کونول انسان منیم هوس له کیتابا  باخماغیمی سئچیب اجازه بویوردولار ال یازما نئچه گون منده اولسون . کیتابین تاسف له صفحه نومره لری اولمادیغینا گوره اوّل – آخیری بللی دئییل و گاهدان خط لر دگیشیلیب لر . اما خط لرین چوخو گوزل خط له یازیلمیشلار . قارا رنگ لی خود نویس له یازیلان بو آدسیز – صحیفه سیز کیتاب ، رحمتلی مشهدی جلیل دلشکسته مراغه ای نین بیر سیرا مرثیه لری دیرکی ، ایللر بویو اونلارین ثبت و ضبط ائتمه یینه عومور -گون قویموشدور .

رحمتلی مشهدی جلیل دلشکسته یوزلر آدی ایتیب – باتان شاعیرلریمیزدن بیریسی دیرکی ، عومور بویو ائمه اطهارا اورک دن سئوگی بسله ییب و اونلارین مناقب لرینده مین لر بیت اوز آنا دیلی اولان آذربایجان تورکجه سینده آغی یا هامان مرثیه و نوحه یازمیشدیر . دئدییمیز کیمی بو آرزی گوز شاعیریمیزین اوز گوزل خطی ایله ترتیب وئریلمیش واراق – واراق دیوان !! بو گون الیمیزده دیر .

ادامه نوشته

موغانجوقلو کتابعلی بزمی

چاغداش ایتگین شاعیرلریمیزدن

موغانجوقلو کتابعلی بزمی

رضا همراز

واختی ایله رحمتلی غلامرضا آزادی « ماراغالی داش غلام » نین اول – آخیری بیر نشر اولان کیتابی « یادی از بیاد مانده ها »  نی اوخویاندا  « کتابعلی بزمی » آدیندا بیر شاعیره ده راستلاشدیم کی آدین باشقا بیر یئرده گورمه میشدیم . الده اولان یا خود آرشیویمده کی تذکره لری بیر بیرینه ووردوم آما تاسف له بو شاعیرین آدی ایله اوز – اوزه دایانا بیلمه دیم ! رحمتلی آزادی نین دئدیینه گوره بو شاعیر ایله ده دوستلوق لاری اولموشدور . اما نه ایسه دوغوم تاریخی ایله ، اولوم تاریخی یا خود حیاتیندان آغیزیاندیران بیر شئی یازمایشدیر !

کتابعلی بزمی موغانجوق قصبه سینده آنادان اولوب سونرالار بیزه بللی اولمایان سبب لره گوره ماراغایا کوچموشدور . اورادا شاعیرلرین جمعینه داخیل اولوب ، خوش سسلی اولدوغونا گوره هردن ده کئفی گول ائیله ینده بیر آغیز او ادبی محفل لرده اوخویارمیش . شاعیریمیز آموزش – پرورش اداره سینین استخدام لاریندان ایدی .

ادامه نوشته