ایکی یئنی و چاپ اولونمامیش مکتب شعری

رضا همراز

شهریمیزین آبیریسین ائله جه ده تاریخین قورویانلاردان بیریسی ده اوزل هابئله اوجو – بوجاغی بللی اولمایان بیر دیرلی مجموعه یه صاحب اولان رضا سرابی اقدم دیر . بوگون اونون یوزلر اسکی سندی ، وسایلی و نه بیلیم  نه یی تبریز موزه لرینین بزه گی و دولغونلوغونا سبب اولموشلار . سایین اوستاد رضا سرابی اقدم اوز قارداشی ایله  چیین به چیین زنگین بیر آرشیو توپلاماقدان دولایی ، هیکل یونمادادا  دیرلی آتدیم لار آتمیشلار . بو نزاکتلی دوستوموزون آرشیوینه گوز گزدیردیکده ، ایکی اسکی شعره راستلاشدیم . گونوموزه قدر بو ایکی ال یازمادا اولان شعره گمان کی راستلاشان اولمامیشدیر . تاسف له شاعیرلری بو سطیرلری یازانا آیدین اولماسادا ، مکتب لرده اوخونماسینا رغماً دیرلی بیر سنددن عیبارت اولا بیلرلر . همین ایکی شعر سایین کلکسیونریمیزین « ساراب » شهرینه اولان سندلر بولومونده ساخلانیلمادا دیر . حدس وورولور شعرلر مشروطه دووروندن بویانایا عاید اولان شعرلر سیرا سیندا اولسون لار .