یئنی نشر اولان کیتابلاردان

                              یاددان چیخماز آغجاقیشلاق ، ساری بولاق

رضا همراز

آراز تخلص لو ، سایین رحمان جعفری نین سون گونلر ایکینجی شعر دفتری نین اوخوجوسو اولدوق . همین دفترین آدی « یاددان چیخماز آغجاقیشلاق ، ساری بولاق » کی بیر نئچه اون سوز ایله320 صحیفه ده گون ایشیغینا چیخادیریلمیشدیر . همین دفترده ده ، شاعیرین ایلکین کیتابی سایاق هجایی و عروضی شعرلره یئر وئریلمیشدیر . بو کیتابین ناشری « آوای منجی » دیر کی اونجه ده بوندان باشقا کیتابلار نشر ائتمیشدیر . شاعیر همین کیتابیندا اوز کندیندن دولایی باشقا یئرلره ده شعر سویله میشدیر کی بورادا تبریز عنوانلی شعرینین بیر نئچه بیتین اوخویوب احساسلی شاعیرمیزه جان ساغلیغی ایله خوش آن لار دیله ییریک :

سهند بویدا داغ عطیرلی سالامیمی آل تبریز

ائشیتدیکجه شیرین دیلین ، یادا دوشور بال تبریز

مین بیر آلقیش ساغ اول دئییم ایگید اوغول – قیزینا

وزه لله دیر گونو – گوندن سنی دوغما ائل تبریز

کونول قوشوم اچور قونور ائینالی نین داغینا

گوز اوخشاییر اورک آچیر ائل باغیندا گول تبریز

دونیا حئیران دینله دیکجه عاشیقلارین سازینی

بالاباندا یانا – یانا ساری گلین چال تبریز

قیزیل ایلمه ناخیشلاردان یارادیب دی ائل سنی

یاشات شانلی وارلیغینی ساغ سالامات قال تبریز...