رنگ لر

رضا همراز

بیزیم ادبیاتیمیزدا رنگ لرین اوزل یئرلری اولموشدور . هئچ یادیمدان چیخماز ان آزی 40 ایل بوندان اول دوچی ده دووار بیریمیز اولان آنامین عمو اوغلوسو ، رحمتلی آقا غلامرضا رحیمی نین فرش کرخاناسیندا  او دورون گنج لری ایله اوشاقلاری ایلمک سالا – سالا ، اوگون منیم اوچون  غریبه اولان رنگ لردن دانیشاردی لار . ( ماراقلی دیر کی اونلار گوزل – گوزل ماهنی لاردا اوخویواردی لار کی اونلارین ده بیر یئره توپلانماغی ان گرک لی ایش لردن دیر ) ایللردیر رنگ ساحه سینده بیر سیرا یادداشتلاریم اولوب . آنجاق اونلاری بیر یئره چاتدیرا بیلمه میشم . بوگون بو قرارا گلدیم کی اونلارین الیمه یئتن حیصصه سین یئکونلاشدیرام . آشاغیدا گوره جه ینینز یازی ایللره اوله عاید دیر .

الده اولان فرش شکیلریندن یا گئیم لردن بئله دوشونولورکی ، دونیانین باشا – باشی ایله آذربایجاندادا رنگ به رنگ گئیم لره و نه بیلیم نه لره راستلاشماق اولاردی . او دوورلر رنگ لرین ترکیبی یالنیز طبیعت دن آلینما ایدی . چول لرده بیتن گول – چیچک لری دریب اونلاری اوزل بیر شیوه لرله  قازانلارا یغیب ، سونرا  قیزیشدیریب جور به جور رنگ لره اله گتیریب حتی ایپ ، و بیر سیرا شئی لری کونول لری ایسته دیی کیم رنگ لردی لر . بوگون افتخارلا دئمه لی ییک کی دونیا سویه سینده تانینان هریز قالی لاری ائله سنتی شیوه لرله بویانیلار . سونرالار  رنگ بویاما اوزو بیر پئشه اولاراق تانینمیشدیر . رنگ بویایانلارا بوگون داها آرتیق بویاقچی عنوانلاری ایله تانینمیش لار . بونلارین مهارت دی لری هله ده وارکی نئچه رنگ دن بیر رنگ چیخاریب ، گورنلرین تعجبونه سبب اولارلار . تاسف له اوگون لر ائشیدتدییم رنگ لری بوگونکولر  تشخیص وئرنمه ییب یا قولاقلارینا نابلد گلیر . اونلاردان منیم یادیمدا قالان بونلارین آدین چکه بیلرم .

1-      گوموشو ( هاوا رنگی – چوخ آچیق آبی )

2-    شکری ( بوگونون دیلی ایله تقریباً کرمی دئمک اولار )

3-    مسی . آدیندا بللی اولدوغو کیمی مس رنگی کیمی ایدی

4-     موشو . تقریباً بو گونون دیلی ایله دئسک طوسی رنگی

5-    توخ قیرمیز

6-    آچیق قیرمیز

7-   قهوه ای

8-   شویودو .آچیق یاشیل رنگی

9-    ات رنگی .

10-   سوغانی

11-   پوسته ای . بیر تهر یاشیل رنگی

12-  چیناری . توند رنگ ده یاشیل

13- آچیق قیرمیز

14-  زیل قره

15- توخ قره

16- گیلاناری

17- چوهره ای . بوگونکو صورتی دئمک دیر

18- حنایی .

19-  خورمه ای

20-  زرشکی

21-  عنابی . بیر تهر خوشا گلیم قهوه ای رنگی

23-لومویی

24-نوخودی

25-زیتونی

26-پنبه ای – مثلا الکولی

27 – و ...