ستارخانین یاخین سیلاحداش لاریندان

                                             غلامعلی زارع نعمت آبادی « صمصام »

رضا همراز

قسمت اولدو واختیندا چوخ دیرلی اولان « وطن یولوندا » گونده لیینین بیر سیرا سایی لارینا یئنی دن گوز گزدیرک . دوز دور بو گونده لییه ایللر قایاق باخمیشدیم ، اما شانس منه یار اولوب بونلارین 50-60 سایی سین ائوده واراقلادیق . بیر چوخ شاعیرلرین شکلی ایله برابر شعرلرینه راستالاشدیم . گوزل – گوزل حئکایه لره گوز گزدیردیم ، تاریخی موضوع لارا باش چکدیم ، خبرلری ایزله دیم ، و خلاصه لذت دویدوم .

وطن یولوندا گونده لیینده بودونه منیم چون ماراقلی موضوع لاردان آدی ایتگین قالمیش رحمتلی « غلامعلی زارع نعمت ابادی ( صممصام ) » آدلی ساوادلی هابئله مفکوره لی بیریسینین میلی سرداریمیز ستارخاندان گوزل خاطیره لی ایدی کی اردیجیل اولاراق اورادا ماراقلا باسیلمیشدیر . مع الاسف گونده لیین ناقص اولدوسو سبب اولموشدور کی ، بیزه آیدین اولماسین بو دیرلی خاطره لر نئچه سایی دوام تاپمیشلار ! اوندان دا اورک آغریدان بو کی ، محترم یازارین ترجمه حالیندان مشروطه یه عاید اساس کیتابلاردا بیر شئی گوزوموزه دیمه یب ، اونون ایسه یاشامینا عاید وطن یولوندا گونده لییی ده اصلا بیر شئی یازمامیشدیر ! بو گونه کیمی ظنیمیز گئدن آداملاردان دا  بو ایتگین یازارین یاشامی ایله یارادیجیلیغینا عاید سوروشاندا هامی سینین قولاقلاری تاققیلدامیشدیر !

« سردار ملی حقنده خاطره لریم » باشلیقلی آردیجیل اوخومالی خاطره لر یکشنبه گونو 18 آذر 1324 (9 دکابر 1945 )دن باشلایاراق، دئدییمیز کیمی هله لیک آرشیو ناقص اولدوغونا رغماً بللی اولمامیشدیر کی نه زامانا کیمی داوام تاپمیشدیر .

یازی لاردان بللی اولور کی رحمتلی غلامعلی زارع نعمت آبادی « صمصام » ضیالی بیریسی ایدی . او داهی ، مشروطیت نهضتینده ستارخان لا بیرگه قولدورلار علیهینه مبارزه آپاریب ، سونرالار ایسه میللی حوکومت ایاق توتدوقدا اونا قوشولوب ، آذربایجانین ملی مجلسینین بیرینجی اجلاسیندا 80 نفر اشتراک ائدن لردن بیریسی ده ائله بو رحمتلی ایدی . ایندی بیزه ایدین اولمامیشدیر کی میللی حوموکت دن سونرا بونون حال و حیاتی نئجه اولموشدور ؟ اومورام بیزیم بو قیسا یازیمیز سبب اولسون بو ایتگین یازیچی میزین حیاتی بللنین باشقا احتمالی یازی لاریندان دا خبرلی اولاق . انشاالله تعالی

 

ایضاحلار :

1-      بو نئچه سطیرلیک یازیمیزدا حورمتلی رضا سرابی اقدمین شخصی آرشیویندن فایدالاندیق . بو نوع ایله دوستوموزدان اوز تشکروموزو بیلدیریریک .

2-    تهراندا ساکن اولان مهندس مهرداد فردیار – دان ، میللی مجلسین آچیلیشیندا او مرحومون حضورونا اشاره ائتدیک لرینه گوره ده تشکر ائدیریک .