اوستاد محمود قبه زرین ( آراز ) وفات ائتدی !
اوستاد قبه زرین ( آراز ) دونیاسین دییشدی
رضا همراز
آلدیغیمیز آجی بیر خبر بوندان حئکایت ائدیر کی ؛ تبریز تئاترینین گورکملی بیر اوستادی اوزون مدت خسته لیک دن سونرا دونیاسین دییشمیش دیر . بو ایتگی هامیمیزی سارسیتسادا شوبهه سیز آراز تخلص لو رحمتلی اوستاد محمود قبه زریندن قالان دیرلی اثرلری آذربایجان تاریخینده قالارکی اولماسینا امین اولوب ؛ او رحمتلی نین بیر نئچه شعرینه سیزی قوناق ائدیب ؛ تانری دان روحونون شاد اولماسین آرزی لاییرام . مزاری نورلا اولسون .
عجب ويرانه ديركؤنلوم ،كی اوندا لعل پنهاندير
عجب لعل بدخشان دير،كی كؤنلوم اونلا ويراندير
بوويرانخانه ده ساكين بيری آه دير بيری ناله
بيری خوش گونلرين يادی،بيری چوخدان دی مهماندير!
اَريتميش آهنی آهيم،نه دهَ ن ،افلاك الولانمير؟
آخان اولدوزلارين نورو،يانيب آهيم لا تاباندير،
پريشان خاطيره م ساقی،منی ديوانه فرض اُئتمه
داها يوخ مِئی ده كسكين ليق،علاجيم تير مژگاندير!
صدف چون زخمدار اولدو،دؤنر بيردرّ شهواره
منيم ده سينه گاهيم دا،يارام وارچوخ فراواندير!
نه ده ندير بيلميره م صياد،ائشيتمير صيد ائدير فرياد؟
گل اِئيله جانيمی آزاد،كی صيدين قانه غلطاندير !
مراميم عشقه يانماق دير،يانيب خاكستر اولماق دير
بودور عاشيق ليق احوالی ،آراز دريايه قربان دير!
8/3/73
زولفون آچ قوی جالانا سینه ده ماهور اوزونه
اِئله کی آی توتولا,سایه دوشه خور اوزونه
زولفون افـشان اولالی عالمی ظلمت بورودو
نه گؤزَه ل اولما لی دیرصبح آچیلا حوراوزونه
اِئوین آباد اولا ویرانه می آباد اِئلَه دین
اولموشام گؤرنئجه شیدا سنه ,مسحور اوزونه !؟
وِئرمَه جلا ده منی ساخلا بلالَر سپری
عیدِ- اضحی دَه گؤتورسن منی ساطور اوزونه
بَند بَندیم ده ن آییردوغرا مقاماته منی
نِِی تکین نغمه له نیم شوریله ماهور اوزونه
آرازام خسته خرابم آخیرام دریالارا
کی چاتام بَلکه قارانلیق گئجه ده ن نور اوزونه
22/12/74م-ق-آراز
عشق ده ن ديركی سوروندوم داغی دريايه ساری
دالقا قوينونداچاتام بلكه ده رؤيايه ساری
قول بويون ياريله زنّاره ساريلميش بئليميز
ارغنون نغمه لَنَه بيزده معَللايه ساری
قيناما چوخ منی زاهيد ،گون بو گونلوك دگيلی
آشاسان سندَه گلربير گونی نا جايه ساری
عشق ناميندا گؤزَه ل دير اولاسان باده پرست
بيرداها دؤنمه يه سن بيرده بو دنيايه ساری
عشق قانونونا اَيديم باشيمی ميكده ده
اَيَه بيلمم داها بير اجنبی ياسايه ساری
زاهيدا كعبه سنين،دِيروكليساده سنين
لعل لب دادماليام منده مداوايه ساری
من آرازدان جان آليب عشقی بئله بَسله ميشم
كی چاتام عشق ده من عرش ثريّايه ساری !
من رضا همراز صاحب این وبلاگ تاکنون حدود پانصد مقاله بلند و کوتاه به دو زبان ترکی و فارسی نوشته ، در چندین کنگره حضور یافته ،چندین کتاب ام چاپ و نشر شده اند و چندین کتاب چاپ نشده و یا آماده چاپ دارم .ایمیل من چنین هست: